9.23.2015

Yunus Social Business hap aplikimet për Programin e Nxitjes së Biznesit (Accelerator Program 2015)




Yunus Social Business hap aplikimet për Programin e Nxitjes së Biznesit (Accelerator Program 2015)
Yunus Social Business Balkans, ka hapur thirrjen e aplikimeve për Programin e Përshpejtimit të Biznesit (Accelerator Program), i cili do të mbahet gjatë periudhës Nëntor 2015 – Shkurt 2016. Ky program 4-mujor këshillimi është një mundësi unike për sipërmarrësit e rinj me një nismë biznesi, që të zhvillojnë aftësitë personale dhe të lidershipit, të testojnë dhe zhvillojnë modelet e tyre të biznesit, të trajnohen në fushën e sipërmarrjes, të përfitojnë këshillim nga ekspertë kombëtarë dhe ndërkombëtarë, si dhe mundësi për të përfituar financim deri në 350,000 euro.
Aplikimet janë hapura deri në 30 Shtator 2015 për sipërmarrës të interesuar dhe sipërmarrës aspirantë nga Shqipëria, Kosova, Maqedonia, Mali i Zi, Bosnia-Herzegovina dhe Serbia, mbi moshën 20 vjeç dhe që kanë një startup/nismë biznesi me impakt social në një nga këto vende. Për më shumë informacion ose për të aplikuar vizitoni faqen online www.ysbbalkans.com

Yunus Social Business Balkans është një organizatë ndërkombëtare që mbështet zhvillimin sipërmarrësve dhe bizneseve sociale, përmes programit të këshillimit dhe financimit të sipërmarrësve lokalë, për të ndërtuar zgjidhje për problemet sociale në mënyrë financiarisht të qëndrueshme. E bashkëthemeluar nga Laureati i Çmimit Nobel për Paqen, Profesor Muhammad Yunus, dhe me zyra qendrore në Gjermani, YSB ka prezencë lokale në 8 vende.
Yunus Social Business Albania e filloi veprimtarinë e saj në Shqipëri në mes-2012 dhe sakaq ka ndihmuar në krijimin dhe financimin e një numri biznesesh sociale të suksesshme. Ajo ka mbështetur shumë sipërmarrës aspirantë me trajnime, kualifikime profesionale, këshillim intensiv dhe financime me vlerë 700,000 USD për rreth 1,5 vite. Në vijim të suksesit dhe mirëpritjes nga pjesëmarresit e dy edicioneve të mëparshme të Programit të Përshpejtimit të Biznesit, e me kërkesë të aktorëve të ndryshëm në rajon, YSB Albania po e shtrin tashmë veprimtarinë e saj në vendet e tjera te Ballkanit Perëndimor (Kosovë, Maqedoni, Mal i Zi, Bosnie-Herzegovinë dhe Serbi) duhe evoluar në YSB-Balkans.

No comments:

Post a Comment