Java e Sipërmarrjes, takim me Alketa Vejsiu dhe Alban Tartari

FTESË

Në kuadër të aktiviteteve të Javës së Sipërmarrjes Shqiptare, Tirana Business University ka kënaqësinë t’ju ftojë në eventin me temë “Sipërmarrja Shqiptare - Histori Suksesi" që do të organizohet ditën e mërkurë, datë 26 nëntor 2014, ora 13.30, me të ftuar znj. Alketa Vejsiu, themeluese e sipërmarrjes "Class by Alketa Vejsiu". 

"Class by Alketa Vejsiu" është një strukturë solide në organizimin e eventeve dhe ceremonive për biznese, korporata, administratë shtetërore, apo edhe për prenotime private. Krijuar nga dëshira e nevojës për të dhënë atë që tregut aktualisht i mungon "Class by Alketa Vejsiu" synon të jetë lider duke sjell për klientet gjithnjë risi në dekorimin e personalizuar dhe organizimin e eventeve. "Class by Alketa Vejsiu", është distributore për Shqipërinë dhe Kosovën të Mori Lee Group një ndër Top 5 brandet lider në tregun Amerikan, si dhe fituese e ekskluzivitetit të veshjeve të Jenny Packham, stilistes që vesh Princeshën Kate në UK dhe nr 1 më i shitur në Mbretërinë e Bashkuar për aksesoret dhe fustanet e nusërisë.

Në aktivitet do të marrin pjesë studentë, pedagogë dhe të ftuar të tjerë, të cilët do të kenë mundësi që të bëjnë pyetje dhe diskutime mbi sipërmarrjen, avantazhet konkurruese, faktorët kyç të suksesit, cilësitë e lidershipit, etj si edhe mbi zhvillimet e fundit të fushës përkatëse.

Aktiviteti do të transmetohet në media vizive dhe të shkruar. 

Ju mirëpresim!

Në datë 26.11.2014, ora 17.30, në Tirana Business University, Drejtori i Përgjithshëm i Marketingut në Albtelecom & Eagle Mobile, Z. Alban Tartari, do të zhvillojë një bisedë me studentët në lidhje me menaxhimin e marrëdhënieve me publikun dhe median, komunikimin, etj, si një funksion shumë i rëndësishëm në arritjen e suksesit në sipërmarrje, biznese dhe organizata publike. 

Jeni të mirëpritur!