10.21.2013

Si të rrisim metabolizmin e për pasojë të biem në peshë?

Ka diçka që nuk shkon me faktin se shumica e shoqërisë tuaj  hanë pa pushim por nuk shtojnë në peshë ndërsa ju ‘shtoni me një gotë ujë, dhe kjo diçka është pikërisht ajo që ne quajmë metabolizëm. Gjithkënd e ka munduar ky problem: Pse unë shtoj në peshë kur e kontrolloj ushqimin ndërsa shoqja ime ha pa fund dhe është gjithmonë në formë? Pse pavarësisht përdorimit të paktë të yndyrës dhe brumërave pesha ime nuk bie, por ka tendencën vetëm të shtohet? Përgjigjia është shumë e thjeshtë: Ju keni nje keqfunksionim të metabolizmit, pra metabolizmi juaj ndryshe nga ai i shoqes tuaj nuk ka të njëjtën aftësi, e thënë ndryshe është më i ulët. 
A është ky një problem i evitueshëm? Me vullnet PO është i evitueshëm, madje ju mund të jeni të aftë të keni trupin që dëshironit. Por si? Ka dy mënyra për rritjen e metabolizmit. E para është konsumimi i produkteve që ndihmojnë në rritje të metabolizmit dhe që janë të mirëpërcaktuar nga dietologët, ndërsa e dyta është aktiviteti fizik.
Në artikullin e mëposhtëm synojmë t’ju japim disa orientime ndihmuese që të realizoni siç duhet dy pikat e përmendura më lart dhe të filloni një proçes të gjatë dhe impenjues të përmirësimit të gjendjes tuaj trupore.
Cilat janë produket që duhet  të konsumohen me qëllim rritjen e metabolizmit? Më poshtë po listohen disa prej tyre:

  1. Avokado: Në gjysmën e një avokadoje gjendjen dy gramë proteina. Gjithashtu proteinat në këtë frut përmbajnë nëntë aminoacidet e nevojshme  dhe gjithashtu yndyrat të llojit omega-3 të shëndetshme për zemrën.
  2. Djathi dhe qumështi: Djathi përmban 6-7 gramë proteina për 28 gramë, ndërsa qumështi përmban 9-10 gramë proteina në masë filxhani.
  3. Asparagus: Asparagusi përmban 4 gramë proteina për sasi të një filxhani me asparagus të copëtuar.
  4. Bimët bishtajore: Bimët bishtajore përmbajnë 7-9 gramë proteina në një masë gjysëm filxhani. Ato sugjerohen të shoqërohen me oriz për të kompletuar një vakt të pasur proteinik.
  5. Kos grek: Kosi grek përmban 18 gramë proteina për 168 gramë. Ky lloj kosi përmban proteina dy herë më shumë se çdo lloj produkti tjetër bulmeti. Është e këshillueshme të konsumohet me fruta.
  6. Arra peme: Arrat e pemës përmbajnë 4-6 gramë proteina për 2 lugë gjelle. Një sasi e vogël e tyre luan rolin më të mirë të një mini-vakti, sidomos nëqoftëse shoqërohen me kos, tërshërë ose hidhen në sallatë.
  7. Bishtaja jeshile: Bishtajat jeshile kanë 8.5 gramë proteina për një masë prej gjysëm filxhani. Konsumimi i tyre mbulon çdo nevojë minerale të trupit, duke përfshirë këtu hekur, magnez dhe zink.
  8. Proteina të paketuara: Proteinat e paketuara gjenden lehtësisht në supermarkete, por konsumohen kryesisht nga ata persona të cilët e kanë të vështirë të konsumojnë produkte të pasur në proteina. Ata përmbajnë 24 gramë proteina për 28 gramë. Gjenden në trajtën e pluhurit dhe janë dy llojesh: proteina kafshësh dhe proteina soje. Sipas dëshirës së konsumimit mjafton të zgjidhet një lloj, të shkrihet në ujë dhe të konsumohet.
  9. Spinaqi: Spinaqi përmban 5 gramë proteina për masën e një filxhani. Që të jetë një nxitës i mirë i përmirësimit të metabolizmit dhe rritjes së tij sugjerohet të shoqërohet me hudhra.
  10. Tofu: Tofu është një produkt i dalë nga farat e sojës dhe përsa i përket shijes që ka shkon me çdo lloj ushqimi. Tofu përmban 12 gramë proteina për 69 gramë.
  11. Prodhimet e detit: Prodhimet e detit këshillohen të konsumohen të paktën tre herë në javë. Më të këshillueshmit për rritjen e metabolizmit janë tuna, salmon dhe karkalecat. Proteinat llogariten të jenë në raportin  1 gramë për 4 gramë në këto produkte.
  12. Vezët: Vezët përmbajnë 12 gramë proteina për 2 vezë dhe 14 gramë proteina për 4 të bardha vezësh. Pavarësisht mënyrës së gatimit vezët janë një burim shumë i mirë furnizues për muskujt.
  13. Mishi i pulës dhe i derrit: Të dyja llojet përmbajnë një gram proteina për katër gram produkt. Përdorimi i tyre në gatime të vakteve të ndryshme rrit dozën e proteinave të marra në vakt.
  14. Thjerrëza: Përmbajtja e proteinave qëndron në raportin 10 gramë proteina për dy lugë gjelle.
  15. Djathë fshati: Djathi i fshatit përmban 14 gramë proteina për masën gjysëm filxhani. Të konsumosh një produkt të tillë nuk do të thotë se po e detyron veten të mbash dietë, por se po kujdesesh për mirëqënien e muskujve të tu. Për shkak të shijes së mirë që ofron këshillohet të shtohet në smoothie të ndryshme.
  16. Biftek: Bifteku gjithashtu është i rekomandueshëm të konsumohet. Ai përfshihet tek mishi i kuq ndaj duhet konsumuar relativisht shumë herë më pak se prodhimet e detit, tek e pakta një herë në javë. Ai përmban një gram proteina për katër gramë produkt.

Produket e lartpërmendura janë ndër produktet më të rëndësishme të rritjes së metabolizmit por jo të vetmit. Këto produkte këshillohen të konsumohen të gatuara dhe në sasi normale, ose disa prej tyre që kanë përmbajtje të pastër proteinike në sasi të shumtë. Ndjekja e dietave ose mosngrënia çojnë thjesht në një dobësim të shpejtë dhe të përkohshëm, që do të thotë nuk arrihet të digjet dhjami i tepërt, thjesht dëmton muskujt dhe humb ujrat e trupit. Ndërsa konsumimi i produkteve të mësiperme me përmbajtje të ulët yndyre dhe karbohidratesh dhe me përmbajtje të lartë proteinash, mundëson ruajtjen e formës së muskujve duke mos konsumuar proteinat e tyre dhe në të njëjtën kohë duke shkrirë dhjamin e tepërt.



Evitimi i të ngrënit jashtë do të ishte një investim tjetër mjaft i madh në përpjekjen për përmirësimin e gjendjes trupore dhe metabolizmit. 

Nëse angazhimet tuaja familjare dhe profesionale jua bëjnë të paevitueshme ngrënien jashtë ju sërish keni disa mundësi ‘për të mos e shkelur’:

1. Konsumoni produkte pule, mishi derri, të cilat mund të blihen lehtësisht në supermarkete të prera në feta dhe lehtësisht të ngrënshme.
2. Konsumoni fruta të thata, bajame, lajthi, arra të cilat sërish blihen me lehtësi në supermarkete. Janë plotësuesit më të mirë të një vakti të humbur për shkak të energjisë të madhe që i japin trupit të njeriut.
3. Konsumoni kos pa yndyrë të shoqëruar me një banane, duke qënë se bananja është një frut i pastër dhe mund të konsumohet në çdo rrethanë.

Cili është aktiviteti fizik që duhet të ndjekim për të mbajtur trupin në formë dhe për të rritur metabolizmin ?

Aktiviteti fizik duhet të jetë në përputhje me aspiratat që ka secili për formër trupore dhe limitet që i ka vënë vetes duke marrë parasysh kohën e lirë dhe angazhimet. E këshillueshme është që të bëhet të paktën 10 minuta aktivitet fizik në ditë ku mund të përfshihet: ecje, biçikletë, vrap i lehtë, vrap, joga ose të ndjekësh tutorial të ndryshëm për të përmirësuar pjesë të ndryshme trupore që duhen përmirësuar. Nuk është e thënë të jetë çdo ditë e programuar si një angazhim fizik i domosdoshëm, pasi në të tilla raste aktiviteti fizik shndërrohet në stres dhe kjo etapë mjaft e rëndësishme humbet funksionin e saj. Individë të ndryshëm mund ta alternojnë aktivitetin fizik si më poshtë:

-Tre herë në javë me nga dy ditë pushimi në mes.
-Vetëm në fundjavë, pra dy herë në javë duke marrë parasysh angazhimet gjatë javës.
-Vetëm një herë në javë, duke e zgjedhur vetë ditën më të përshtatshme.


Më poshtë do të gjeni disa video,  të cilat mund t’ju ndihmojnë në udhëzimet për aktivitetin fizik:
http://www.youtube.com/watch?v=_7fHGwLS8Y0
http://www.youtube.com/watch?v=SmcLB9ObdOM
http://www.youtube.com/watch?v=fjGPLFcrsRI
http://www.youtube.com/watch?v=gd9V8pJrMXU

Si përfundim duke qënë se vlerësimi dhe dashuria për veten pasojnë vlerësimin dhe dashurinë për të tjerët, etika në të ushqyer dhe në të jetuar është e domosdoshme. Ajo nuk është e vështirë, por kërkon vullnet, MUND T’JA DILNI!


Nga: Besjana Ajazi

No comments:

Post a Comment